கேஸ்

கேஸ் அடுப்பில் உர் உர் என்று சத்தம் வந்தால் 'சிம்'மில் வைத்து இரண்டு முறை ஊதி விட சத்தமில்லாமல் சரியாக வேலை செய்யும்.

மாவு

இட்லி, தோசைக்கு அரைக்கும் போது, 2 வெண்டை  காயையோ , 1 பிடி காம்புகளையோ சேர்த்தால் மெத்தென்ற பதத்துடன் வரும். மூட்டு வலிக்கும் நல்லது. 

நாட்டு தக்காளி

நன்கு பழுத்த நாட்டு தக்காளியை சமையலுக்கு பயன்படுத்த நல்ல புளிப்புடனும், பார்க்க அழகாகவும் இருக்கும்.

உடல் பொலிவு

காய்கள், பழங்கள் நறுக்கும்போது, வரும் சாற்றை  முகம்,  காது, கழுத்து, கை கால்கள்  மீது தேய்த்து நன்கு காய்ந்ததும் சாதாரண  நீரில்  கழுவ தோல் மேல் உள்ள அழுக்கு நீங்கி பளிச்சென்றும் மிருதுவாகவும்  இருக்கும் .வாரம் ஒரு முறை செய்ய உடல் பொலிவுடன் விளங்கும்.

கண்களுக்கு தெரியாத கிருமிகள்

கல்லுப்பை காய்கறி பழங்கள் அலசி கழுவும் நீரில் போட்டு கழுவி எடுக்க கண்களுக்கு தெரியாத கிருமிகள் நீரில் மிதந்து வந்துவிடும். மறுமுறை நீரில் கழுவி சாப்பிடவும்.

தூசிகளை அகற்ற

டைல்ஸ், ஜன்னல், கதவுகளில் உள்ள மண் தூசிகளை அகற்ற மீடியம் பெயிண்ட் பிரஷ் பயன்படுத்தி அகற்ற சுலபமாக வரும்.

நினைவாற்றல்

தூதுவளை கீரை நினைவாற்றல் தரும். அதனால் வாரம் ஒரு முறை சாம்பாரிலோ அல்லது துவையலிலோ சேர்த்து சாப்பிடவும் . இருமல் சளியை போக்கும் . உடலுக்கு சூட்டை தரும் .